T café 1954 - 只限一次

星期六下午茶時間同男友黎T Cafe食tea，這...不是偶然行過或咁岩肚餓，這...是有部署的。上網看過，想吃的白菌雞批平時食要$50同無野飲，下午茶時段黎食則$40同送野飲，well...師奶仔的我當然下午茶先黎（雖然唔知貴d會唔會多d or好味d）。

入到T Cafe，原來座位唔多，卡位同自閉望街位等靚位都比人坐晒，無辦法坐中間長檯同人搭檯啦。
點了白菌雞批配田園沙律，煙肉芝士火箭菜三文治，撻皮野菌忌廉湯。

撻皮野菌忌廉湯
早前睇唔知邊度專題介紹過，當時見賣相有趣，外層用泰昌拿手撻皮包住，皮薄 不油 ，配上味道唔咸 濃度適中的忌廉湯，絕配！飲完唔會好滯，推薦！

煙肉芝士火箭菜三文治
這個也不錯，都幾大份，餡全是菜與芝士，少少煙肉，包不會過硬，夾住食不會一路食一路流餡。

白菌雞批配田園沙律
最後先講佢，因為好...失...望...，個唔知邊度專題都有介紹過，但係現實係碟上每樣野好都唔得。田園沙律：菜水滴滴，又濕pat pat，汁酸得黎有點怪，唔得。上面塊酥：硬，好硬，好難咬得開囉，又無乜味。雞批：一咬/切即四分五裂散晒，而且好滯，好彩同男友share食，一個胃口細既女仔點finish到？

可以一試撻湯，可以一到影相，但只在於一次囉.