吉利尼 Killiney - 尖東綠洲

星期五晚約男友到尖沙咀搵食，本想到咖啡弄食鬆餅，聞說新開不用排好耐，你知啦，排三小時，已足夠由尖咀去機場再搭飛機到台灣咖啡弄啦，但去到發現新開期間只營業至晚上六點。無奈走人。轉場到韓國街食泡菜，但每間都排長龍，不想等太耐的我倆又無奈走人。最後來到尖東科學館道，跟廣東道及海港城一帶彷如兩個世界，這邊又靜又少人，男友靈機一觸記起附近有間出名食咖央多士的吉利尼，未食過亦未聽過咖央多士的我當然舉腳讚成。 

就到吉利尼時看見一條條人龍，心裡暗叫「又排隊!?」時，哦...原來只係內地團排隊上旅遊巴而已，吉利尼唔洗等位之餘仲有大把位比你揀黎坐!!!

有選擇恐懼症的人黎吉利尼應該會幾開心，因為套餐得五款，而且....想點海南雞飯- 無；米暹- 無，無奈地唯有叫喇沙同咖哩雞配薄餅，再加$10要份咖央多士（今晚真有夠無奈）。

飲品先到，美祿恐龍真係好堅！超多粉，當糖食都得，要我揀星巴克杯朱古力星冰樂同吉利尼既美祿恐龍，同樣卡路里，我一定選美祿恐龍！堅．好．飲！而杯薑奶茶只限熱飲既時候好飲，重薑味，唔洗落糖都夠甜，但當凍左個時，薑味淡了，變成糖水奶茶。 

主角咖央多士，上檯時又熱又香，切成四塊方便進食，每塊都有份量剛好的咖央醬同牛油一小片，濃濃椰香加上甜度適中，非常好食！好想食完又食啊~~~ 

配角喇沙都不錯，湯濃得黎都幾辣，即使潑走辣油都依然好辣，蝦- 爽，魚片- 彈牙，豆卜- 吸晒辣湯，好辣但好正，蛋- 無食到，不過碗粉太Heavy了，食唔晒...... 

配角二號咖哩雞配薄餅就一般般啦，雞炆左好耐所以好稔，尚算入味，辣度同喇沙差不多，個薄餅幾硬，dip咖哩食味道ok既，但一塊餅咁細，咖哩汁就咁多，好似有d浪費...... 

呢到真係尖咀（正確來說是尖東）綠洲，當你見到到處都是人人人 等等等 排排排 隊隊隊，而呢到 - 吉利尼 - 由七點幾到九點黃金食飯時間都係得小貓五六隻，而且又夠平，埋單每人六十多，嗯，抖氣的好地方 (忽然擔心佢會做唔住)。

峇里之旅2014 - 酒店篇

多虧虎航, 今次四日三夜可以住兩間酒店 (怨念持續)

頭兩晚入住 Astana Batubelig Suite Villa, 2x歲人都未住過pool villa的我, 覺得這間villa絕!對!一!流! (如閣下住過Bali Banyan tree可以跳過本篇繼續你近乎完美的人生)

Astana 位於Seminyak, 距離Seminyak市中心有點遠, 約十分鐘車程, 距離沙灘很近, 行路去數分鐘就到, 距離出名Ribs的Naughty Nuri's Seminyak分店就只有幾步, 沒錯 是幾步! 食飽步行回villa非常方便

就現場所見, Astana只有兩架較舊單車免費使用, 另外免費載你到Seminyak市中心或最遠到Legian區(需預約), 每天可於villa內免費享用早餐 (需早一晚order). 完. 沒有其他設施, 但ok啦, 有private pool就夠了啦

(以上圖片為網上抓圖, 但跟實物差不多)

(自家三叔機拍攝)

Villa屬長方形間格, 入門口有迷你廚房供客人煮食, 房中間有張超大大大床 (大鄉里的我真是未睡過這麼大的酒店床), 泳池都算大, 水深比我想像中深, 大概有140至145cm深, 跳水也不怕撞到喔

(以上圖片為網上抓圖, 但跟實物差不多)

要注意的是熱水供應於繁忙時間不穩定 (晚上七時至十一時), 怕溫水或凍水洗澡的朋友就要等晚上十二時後或第二天早上囉

整體價錢不貴, 房間乾淨, 員工有善, 推薦!


Astana Batubelig Suite Villa
Jl. Batubelig No. 28 Seminyak, Bali, Indonesia
http://astanabatubelig.com/


最後一晚住Grand Mega Resort & Spa Bali, 對面就是Mall Bali Galleria, 行遠少少又有DFS, 說是對面, 中間隔著兩條沒紅綠燈又多車的大馬路, 硬要行過去有點危險, 但峇里人開車不快, 睇準時機, 必要時揮手喊停司機就可以了 (有時站Grand Mega門口的服務員會幫你開路)

(以上圖片為網上抓圖, 住Grand mega那晚完全沒有心情拍照, 下回分解)

我沒有深究酒店有什麼設施, 只見入面有大游泳池, 住一晚就走的我倆沒機會游啊, 酒店房都算清潔, 只奇怪太多鏡, 你知啦... 看過很多恐怖片都是酒店鏡出事嘛.....

如果要平要住Kuta要方便購物的話, Grand Mega是不錯的選擇!

Grand Mega Resort & Spa Bali
Jl. By Pass Ngurah Rai no. 234, Kuta, Indonesia

新記芝士麵 + 茂蘿街/巴路士街活化項目

「香港有四大奇食：澳牛光速餐、星座蕃茄面、新記芝士面同九記牛腩...」雖然此篇潮文出了一段日子,  但膚淺平庸的我點都要來這個Checkpoint, take個photo, fb打個卡, 再留句emotional句子來證明我夜晚有食晚飯, 最重要是我‧從‧未‧食‧過‧新‧記‧芝‧士‧麵‧架‧囉‧

言歸正傳, 星期一夜晚到灣仔新記食麵, 位置唔難搵, 門口放滿不論是合照定獨照, 是望鏡頭定唔望鏡頭 (其中有張個相中人係望住芝士麵食緊的囉) 的名人相, 非常把炮。

直入有位, 伙計都算親切, 坐下光速想好要咩餸配搭芝士麵.., 再光速(!)落order, 伙計光速(!!)送上芝士麵, 然後男友跟我則以龜速進食企圖打破傳統

我叫了雞扒太陽蛋芝士麵

嘩, 芝士汁好多呀, 還有濃烈芝士香味, 食之前一定要撈勻, 麵質都算爽同彈牙, 唔會好似發水麵條無咬感咁, 雞扒ok, 唔會韌食完唔會zip牙罅 (我估豬頸肉會…OPPS…SORRY, 我牙罅疏), 反而太陽蛋有少少失望, 初初見有蛋漿流出黎以為係流心蛋咁爽皮, 點知流左幾滴就完, 原來其餘係熟既, sosad.

男友叫了芝士芝心丸雞翼撈丁 (個名好長好難記, 大概係咁)

食左佢一粒芝心丸, 煙煙韌韌中間流心唔錯喔; 食左佢一隻小雞翼 (雞翼一開二!!!!), 無特別…..

兩碗份量算少, 當中只係芝士汁令人飽肚, 大食之人可能要追加或者出去食魚蛋啦。雖然本人酷愛芝士, 但為身形著想, 久唔久食一次好啦

(網上抓圖)

食飽後想散步把芝士消消化, 就發現對面有「茂蘿街/巴路士街活化項目」供人參觀。

(網上抓圖)

「茂蘿街/巴路士街活化項目」前身是有過百年歷史，被評為二級歷史建築的「綠屋」,後來經市建局活化後, 保留原有外牆設計及少少內籠特色 (比如法式門, 只餘下紅磚的廚房), 成為「動漫基地」, 由香港藝術中心營運和管理5年, 提供創意平台，推動本土動漫行業發展。 ( <- COPY官方字眼, 究竟有沒有大肆宣傳過呢? ), (又, 因為外牆綠色而名為綠屋，現卻髹成黑白色, 感覺失真了….)

與其說是參觀 不如說是HEA行, 因太夜入去 (約九點), 全部展覽都關門了, 只餘下餐廳及小部分開放。 入到去好有空間感同古典風味, 完全唔覺置身於灣仔, 當中我最喜歡空中旋廊, 雖然不高但可以睇到好多平時係街睇唔到的事物 (比如旁邊舊樓走廊) (又比如人家家中小陽台)。行到中途突然人有三急, 眼前只有殘廁, 都無辦法吧!? 點知殘廁廁所門是高科技產品, 按掣有如太空船船艙門一樣自動打開, 所有急什麼的都忘了, 玩完一輪先去 (HELLO~ I AM 大鄉里)。

今晚又有奇食, 又有綠屋參觀, 又有太空船艙門玩, 最緊要是跟男友拍拍拖, 什麼Monday blue都走晒了。

(隨後Tuesday blue, Wednesday blue, Thursday blue………)

延伸閱讀 - 由綠屋到動漫基地

http://www.backpackers.com.tw/forum/showthread.php?t=1154128

峇里之旅2014 - 出發前二三件(SAD)事

一直想跟男友出國旅行, 但去哪裡就跟宇宙奧秘一樣難搞

直至去年十月看到虎航去峇里島推出買去程送回程優惠, 神差鬼使下買了半年後二月出發的機票 (什麼鬼優惠, 沒完沒了地推廣, 然後又有買一張送一張優惠, 騙人!!) 廉航所有服務都收服務費, 怕跟男友分開坐和怕買大量手信放不下手提行李的我就只好給"選擇座位費"與"15kg行李費"囉。最後機票連稅連雜費每人HKD1745 (還算平嗎!?)

虎航每天只有一班航班往返峇里島, 時間也只得奪命凌晨機選擇, 往: 02:35 / 07:35, 返港: 20:35 / 01:35 (+1), 當然啦 耗盡青春小鳥換來是玩盡四日三夜!!!

出發前兩個月開始選酒店啦 *興奮*
爬了很多文, 看了很多tripadvisor, 最後選定三晚住宿位於Seminyak的Astana Batubelig Suite Villa, 在Hotel.com預訂有九折discount code, 扣除後每晚約HKD1220。這間pool villa我覺得超正超棒, 容後再談。

旅遊保險就選擇恆生銀行, 純粹因為用恆生信用卡買有折扣, 保單內容都跟其他公司大同小異。從不看保單內容, 承保範圍和賠償額的我, 由這趟旅行後我發誓一定戒掉這壞習慣!!! 因為保險於今趟旅行擔當著重要角色!!!!!!  *眼睛冒火*

上機前的十二小時我還在公司廢hea奮鬥, 上機前的八小時, 即是放工時間六點, 懷著興奮holiday mood的我9衝出公司門口, 就在搭地鐵途中 電話收到以下信息




咩事呢
tech咩nical呢
點解cancel呢
hotline電話又係咩呢

即刻問男友有沒有收到, 他竟然由始至終都沒收過虎航任何電郵與短訊, 他還問是不是有人惡作劇...
打去service center就是等了又等 打完又打...約一小時後終於有人聽, 確定航班取消了, 我們可以做的只有

1) 延遲出發
可於電。話。內。免。費。更改出發日期一！次！只可以改原定出發日期的十四日內 (如果上網整就要比手續費喔, 換言之你無論如何發燒感冒都要打通電話)

2) Refund ticket 入account
refund兩張ticket, 錢則保留在虎航的account內, 必須於半年內使用。但天呀, 酒店都book了, re什麼fund呀

3) Refund ticket
問全數refund回credit card可以嗎, 服務中心那位囡囡說可以但很難, 手續很煩覆, 又要等好耐... 即是唔想我們refund啦

掛線後約晚上七時半, 當時我沒做任何決定, 跟男友商量先再作打算
其實沒什麼好打算, 酒店都付了錢又不能退, 我們能做的只有延遲一日出發

托賴晚上再次打通, 跟對方說改遲一天出發, 當對方問「確定了？只能改一次」, 膽小的我立刻說「等等...等等...」, 但對方竟然說「只能在出發前四小時更改, 時間過了就不能改, 還有小姐, 我們九點收工(!!!)」當時, 是八點半, 那刻腦袋只load到DLS LLM等粗口... 我還可以做什麼, 唯有無奈改延遲出發。

延遲出發也順延遲一日回港, 即是要在峇里住多一晚, Astana不能refund不能cancel不能改日子, 第一晚一定蝕了, 只好在agoda搜尋平酒店住, 最後我們選了位於Kuta的Grand Mega Resort & Spa Bali, 價錢約HKD450一晚, 由天堂pool villa變為普通酒店房, 什麼心情都沒了...

剛才文中也提過啦, 幸好我們買了旅遊保險, 這Case保險公司當Delay八小時或以上, 雖然賠不多, 但兩人加起來剛好是一晚Astana的價錢, 嗯 算沒有損失啦, 只是有晚由天堂pool villa變為普通酒店房而已 (重複著的怨念)

到真正出發當天也沒什麼心情, 不停想著如果又cancel我該怎麼辦, 想著想著就到了機場, 想著想著就順利check-in 登機.....

唉 應該開心興奮出發的心情沒了! 他媽的虎航!!!!!

Bao WOW

Yeah! 又Happy Friday ♪~♪♪~
放工搵埋男友行街街拍拖拖

今晚晚餐選擇去灣仔食台灣小食 - 割包！

Bao wow距離修頓球場很近，看到「和昌押」轉彎就到啦，門口不起眼，好易行過龍。
店內一邊是長桌與高櫈，另一邊是小方檯，大夥人來食就比較麻煩啦。長桌有電話差電提供，三叔蘋果4or5差電線齊晒，好貼心啊，岩晒機不離手的人！

每個割包有女生手掌咁大，單點一款$58，一款有兩個食，都唔算平，可樂單點要$15直頭貴啦，出去買野飲好過。

棒棒雞
餡有青瓜，雞，麻辣醬
咬第一口發覺，咦，餡是凍呢；
咬第二口，嗯，包夾雞夾醬很好食啊；
咬第三四五六口，嘩媽呀 好麻辣呀！
雖然餡是凍有點奇怪；雖然唔食得辣的我覺得條脷麻晒；但真係好好味呀！

芝麻酸薑豬扒
餡有炸豬扒，酸薑汁菜絲
拎上手就知熱啦啦，咬落去，好滿足，豬扒不會un，配上微酸醬非常美味啊！

雪糕炸包文治
這個可以後上，炸包又熱又脆，食落似牛脷酥，夾住雲呢嗱雪糕食，又凍又熱很有趣，但論味道就略嫌遜色，只有咸甜沒特別，而且食得好麻煩呢。

總結咸食好味有特色，甜食一般，下次想其他口味呢

Ruby Ruby Ruby Tuesday....

以前未有半價卡時就好恨食 

剛買半價卡後就幾乎日日食 

喪食一輪完最後就唔想再食 

人類啊... 

半價卡價格如下

如果你有親朋戚友有720days pass

你可找他refer你買supplementary (副卡)  

好處是以$1000就能享有720日半價 

壞處是不能累積分數 

而我 就買了supplementary 

購買後即刻公告天下 再找朋友一齊食啦 

所以就有七天內三餐ruby的出現

這三餐與三個不同的人 (即每餐total兩個胃) 到兩個不同地點食 

第一餐 : TST Ruby

由於於當天book位 所以只能book到9pm  

收工後行下hea下餓下 企圖把自己餓到極點中的頂點 (!?) 

準時入座後 我們點了兩個main course及one visit salad bar

- Salad 盡了W小姐所能的高度 

哈哈 想再堆高d就上網搵攻略啦 (也要視乎是否吃得完啦)  

當中的通粉與薯仔其實好滯 吃完我已飽了三分一

- Ruby mini burger

餡分別是牛肉, 蝦餅及雞肉with side dish薯條 

雖說mini 但一個正常女生吃完一整個burger已經可以埋單走人 

何況是三個burger! 何何況隨後還有一碟main course! 

Burger皮脆脆加厚厚地的餡來食 非常好食 肉汁豐富 

成口野的感覺無得彈 (無儀態的女生是也)

- 半份Ribs with薯蓉 

Ruby的招牌菜真係無得輸

肉燒得很稔 很容易就切得開 配上燒汁非常惹味 

但味精頗多 飯後要不停灌水 是燒汁的問題吧 

要清掉burger跟ribs 我倆實在吃不下味道一般的薯蓉了 

 埋單 半價後三百多... 好抵啊 

第二餐: 荃灣Ruby 

星期六晚跟男友 7:30 排隊 約8:15 就有位啦 算快嗎? 

- 小食併盤 (細) 

左上: 芝士愛好者必點炸芝士 啖啖芝士好滿足啊 (但不及burger room的芝士條好食 而且burger room可以拉芝士) 

右上: 炸蝦 這個ok啦 蝦炸完還是爽爽的 

左下: 炸西蘭花 嘩 這個流到不行 吃了半舊就停口了

右下: 焗薯皮 焗得好香呀 配上芝士很不錯呀 併盤中最快清晒的一味 

- ribs + wings with焗蕃薯 

Ribs這不用說啦 雞翼很乾身好好食 不會出現油林林的情況 

side dish可以轉焗薯 而我覺得焗薯好食得多 特別是沾滿牛油與忌廉的焗薯 (肥死了..) 

今次只吃了兩款 但都夠KO我倆 最後兩人都抱住個肚走 

埋單 二百五十幾 

第三餐: (又)荃灣Ruby

好啦 食埋今餐今個月會停停 抖抖啦 開始有ribs恐懼症啦 

- one visit salad bar 

今回M先生有特別的起樓技巧 把salad推得高高的 

嗯 儒子有前途 但薯仔過多囉 吃完我已飽了一半

- Nachos 

忘了中文是什麼 什麼墨西哥脆脆之類 

大大細細塊脆皮加上面一塊芝士
不推介 沒芝士覆蓋的就好乾啃了

- 全份ribs with薯蓉 

well well well rib rib rib... 

原本叫焗薯 卻來了薯蓉 友人主張多一事不如少一事 

就由他了
是serve 我們檯那個哥哥寫錯吧
幫我們落單都不需紙筆墨 初時還以為是記憶法的高手....

埋單三百幾 半價卡回本了 

 --- 

三餐開頭時都想叫甜品 (chocolate tall! chocolate tall!) 
吃到中段就知根本無可能
下次兩人食飯想食甜品的話 坐埋檯即刻叫左食左先啦
不過短期內都唔食住啦 哈哈哈哈

Ivan the kozak 東歐餐廳

一向絕少團購餐飲, 因為太多負面評價, 比如訂唔到檯, 野食差劣等... 不論食物and/or服務質素 九成係伏

係group buyer見到ivan the kozak東歐餐廳做$138六道菜 (一人限用一張卷, 另加一 $40) 就破例試試 只因為比佢 "俄羅斯菜" 吸引到
點知真係伏 :/

早於兩星期前book位 非常順利book到兩位七點半
準時去到 安排坐一少邊既角落頭
唔知佢餐廳係咩設計 要隔開一少邊出黎
好難先有人黎比餐牌
亦等好耐先有人黎落order
順帶一講 傳聞中的老細真係好有性格好有霸氣
明明係我地前面幫人落緊單 我地瞄準佢落完單即刻(大聲)叫佢 佢可以完全無反應照走
所以做老細要有霸氣先得 XD
扯遠了
餐湯好快上

 

- 青羅宋湯：好多蔥，酸酸地，適合重口味人士
- 烏克蘭魚湯：好似羅宋湯，好多魚肉食，d魚肉好無食就見人見智啦，我覺得有d鞋，但湯就幾好味
冷頭盤.. 等到2046先有食得
俄羅斯流行慢食主義嗎 (真心問)

- 三文魚子醬+烏克蘭西紅柿釀芝士+紅菜頭魚柳沙律：三文魚子醬係三個中比較好食，其實係魚子加沙律醬再用pancake皮包住，感覺似食中菜生律卷，ok的。西紅柿(蕃茄)真係烏克蘭來的嗎XD 呢個芝士好滯，食左少少無食。可能我食唔慣紅菜頭，感覺麻麻，同埋魚柳有d腥
- 三文魚子醬+俄國雜錦沙律+比目魚冷盤：俄國沙律不過不失，同出面街無分別，保守叫法。比目魚腥到食左啖就停口，同埋好咸。
食頭盤到中段主菜就上了

 芝士焗牛脷：炆得好林，正，又切到細細粒方便食，汁撈side dish薯蓉非常美味，不愧為招牌。
- 烏克蘭土豆燒豬柳：用石鍋上，食到最後仍然熱出煙，我覺得幾好，土豆同佢d汁(湯?)都唔錯，係幾舊豬柳要玩俄羅斯輪盤咁一兩舊林，一兩舊un (我食個舊un, today is not my day)

甜品.. 2046再等到七百年後終於上
雪糕新地：無特別，保守之選
烏克蘭蘋果批：上面係海綿蛋糕加士多啤梨汁，下面係一兩片肉桂味蘋果。唔叫難食但你絕對唔會想再食。又 原來烏克蘭既蘋果批係咁樣的 @O@!!

最後埋單要比原價的加一服務費 每人40蚊
問心 佢地有咩服務 真係唔知 水又無 叫極舉極手又無人黎 餐飯坐左兩個鐘
可能團購同正價食 兩個會唔同什至極端質素
但頭一次食衰左 好難會比第二次機會你的。

First entry

自從Xanga摺了 就沒有再寫下去的動力
但想到2013過了 沒有寫每年一寫的回顧與展望 就開始心癢癢
唯有投靠blogspot啦
感覺有點難用...
希望不會像xanga 無名 yahoo blog的下場吧 = =|||