有水準有heart既餐廳 - Nova

Nova曾晉身openrice頭十名，所以一直密謀黎呢到試下，可是愈近既地方愈有「明日復明日」既心態，推下又遲下都未食到，終於今日坐言起行黎呢到食早餐。

所謂早餐，其實都點幾啦（頹廢青年之睡到日上三杆），係門口睇下餐牌有乜食時，有個熱情的小妹妹侍應上前詳細介紹，服務很好喔，加分！

基於當日人客唔多，我們揀坐滕椅，坐底後有少少後悔，咦...頂腳既....，諗緊食咩時有個侍應哥哥放底兩杯水，No service charge喎，都有水既，又加分（呢個年頭通街都要service charge，但係無水無service兼分分鐘鐘差過茶記真唔知佢charge乜，所以要比個credit Nova）。

食品種類都算多，每款都送花茶或汽水，又可以加錢轉咖啡。我同男友就揀左藍莓花茶同熱情果花茶。除左熱情果花茶較酸酸地外，其實都無乜分別，不過食完濃味既英式早餐，飲杯淡淡既花茶解油膩也是不錯。

三文魚黑松露炒蛋牛角包 $88

超．級．香！蛋炒得好滑，配上鬆脆牛角包，夾入三文魚簡直一流，可是蛋太多，包太細，唔夠分，side dish是火箭菜，蕃茄，同一口薯仔粒，最喜歡薯仔粒，細細粒容易食，幾飽都食得落呢，推介！

洋蔥蘑菇豬肉腸奄列 $78

呢個奄列真係好足料，底下仲有塊包比你夾住黎食，好好味，但食晒成個頗為飽滯，建議細食者同人share，side dish同上。

好難得搵到有水準有heart既餐廳，keep住呀！即使你位置偏遠，好食的話仍會有人慕名而來。

Nova

荃灣青山公路633號灣景花園地下

Tel: 2116 4018 / 5119 0090