原定13:55到達台北，預計搞好晒d野出到市政府約4點半，但在世上沒有多少東西會盡如人意(多數像諷刺~♫~♪~)，Delay + 入境排長龍 + 排隊換台幣 (3.7呀T_T) + 排隊買電話卡 + 等半小時巴士 = 去到市政府已經6點半啦!!
第一站先到阪急百貨‧吃‧雪‧糕，本想吃位於B2的Tsujiri辻利茶屋，網上睇圖片同評論好似好正 (利申: 綠茶狂一名)，去到被格離鋪店員拋雪糕球吸引住，改為吃COLD STONE(酷聖石冰淇淋) ，賣點跟香港的Holly Brown一樣是炒雪糕，奇異的人喜歡奇異的雪糕，我要了藍色的藍色搖滾加香蕉朱古力脆餅，料子是鮮奶油、OREO、碎粒覆盆莓，味道呢…. 嗯，很一般，只是一味甜，雪糕或覆盆莓毫無味道，Holly Brown好味多了，而且香蕉朱古力脆餅超硬，側邊脆餅用湯匙搗不爛，最後我不顧儀態乾脆直接咬。
LUCKY 7 - ??
吃著大杯雪糕行百貨公司好像不太好，又不想坐定定吃，所以決定行路去hostel
checkin!! 嗱，我係個喜歡行路，周不時由尖沙咀行去旺角，銅鑼灣灣仔行去中環的癲囡。睇過Google
map，衡量過唔太遠唔危險，一條直路就到終點。愈行近忠孝敦化，鋪頭商場就愈多，淨係背個書包仔咁方便，經過當然要行下啦，行下停下睇下耽誤下，差不多晚飯時間先到hostel。
就到hostel時，我係完全唔知hostel係座個look咁九十年代的commercial building內，當時只見hostel牌，唯有圍住幾座building搵個似樣既入口。其實當時已覺得應該係首都銀行大樓上面啦，但見到大樓lobby幾乎漆黑一片，得幾盞燈仔，確實唔想相信係呢到亦唔想一條友係度搭lift，可是現實是殘酷~但硬著頭皮過了就好 (我真是個金句大師耶!!!)，上到去又另一個world，一個green world hostel (爛gag)。
green world hostel上篇介紹過啦，在此不談。放低d所謂行李既行李後就出發去師大夜市啦~
在此講句::: 師大夜市係唔多野食，我去係志在行街。想食平同出名野就去士林或其他啦。因為離開師大時聽到有港人夫婦講「呢到行街買衫都無野食既」，對啊對啊，年青人黎買衫又有少少野食填肚是不錯架，如果你一心想見識成條街都是地道小吃那麼師大唔係你杯茶啦。同埋，師大離捷運真係好死遠呀!!!
我由古亭站2號出口開始行，行過幾條寂静的內街先到呀 (行內街我是急步到近乎跑的)，遠就遠d，不過衫款種類多，價錢中下，品質中上，條路唔迫，香港真係無乜地方係咁好行。
當晚晚餐
聽聞這間可麗餅唔錯的，可惜我吃完奇異雪糕就塞不下其他了
每間鋪都入去睇，開始行到腳跛。行完師大就直接回hostel了，明天要早起呢。
沒有留言:
張貼留言