由Mikiki行去九龍寨城公園真係近爆!! 過兩條馬路 > 轉彎 > 直行 > Arrive!! 其間仲見到有包不知名丸仔zip係鐵絲網上面, 頓時想起三不管、貧民窟、黃賭毒….. (小姐你想像力真豐富), 未入到寨城公園時會見到足球場、六個籃球架的籃球場、超蚊型單車公園, 係出面好少見到咁大型既休憩地方, 而寨城公園面積就更加大, 住附近既朋友黎呢個公園跑步應該幾爽皮 :D
寨城公園設計成江南園林咁, 可媲美美孚的「嶺南之風」, 用黎拍宮心計(?!)唔錯 哈哈哈… 寨城公園四個角落頭種植了不同植物, 代表春夏秋冬, 而園林設計更係唔知邊年得到唔知咩獎 (貌似導賞員的伯伯講, 我倆聽聽下就無心再聽了), 我們一入到去就見到南門這法定古蹟, 話就話古蹟, 但其實得返幾條鋼筋水泥睇, 康文署話從這幾條鋼筋水泥窺見在「三不管」年代，寨城內三萬多低下階層人士的居住環境, 我覺得難D囉。
行到中間衙門有個關於昔日寨城的小展覽, 真心推介, 特別係互動展覽館, 可以見識到寨城清拆前的強勁潛建、高超電纜、終極骯髒、各式各樣的食品廠、無牌牙醫、居民生活點滴、道友..係無既, 配合大人細路既需要, 入面係無黃賭毒睇既(that's pretty sad)
如果他日我有小朋友, 我寧可帶他們來這公園了解歷史, 同佢講以前居民要擔水拉電你睇你幾幸福等, 好過學什麼鬼珠心算。
我地睇晒已經六點, 人家要關館, 而且天都開始黑了, 係時候行去搵食啦。
九龍寨城公園 開放時間
公園開放時間 : 每日上午六時半至晚上十一時
展覽館開放時間：每日上午十時至下午六時 (逢星期三休館)
- - - - - - - - - - - - - - - -
九龍城眾多糖水鋪，大部份食西式甜品如心太軟，梳乎厘，或者出名靚（同貴）既Patisserie，而我們在云云糖水鋪中選擇了潮州合成糖水，一來出面好少食到中式糖水，二來剛剛去完九龍寨城公園，看完寨城舊貌，繼續回味老香港。
潮州合成有超多款糖水，幾樣食品又可以配搭出七七四十九款（誇張手法啦 你唔係信呀），睇到我樣樣都想試。
變卦再變卦後我們叫了冰花腐竹蓮子雪耳清心丸，清清甜甜；腐竹份量算多；蓮子唔苦澀，可能浸過糖水，呢樣好有驚喜，皆因出面食親蓮子多數苦既；雪耳爽口但得好少同細細舊；清心丸煙煙韌韌，成碗都好好食，好少食到如此高質素的中式糖水。
冰花椰汁黑糯米，街外食既椰汁黑糯米多數頭幾啖好好味，然後愈食愈膩，最後飽飽滯滯，但合成這個比較稀身又唔會過甜，由頭到尾只有好食、好食和好食，仲有幾粒蓮子食tim!
果然是屹立不倒的老店!!!
潮州合成甜品 Chiu Chow Hop Shing Dessert
九龍城龍崗道9號地下
沒有留言:
張貼留言