一條囡囡遊台灣2014

一次偶然的機會，令我可以獨自遊台北三天。慶幸我去的是台北，是去了幾次的台北，是上年六月先去過的台北，而不是西藏/西伯利亞/西班牙 (其實這些地方我也超想去)，不然輕則賣豬仔被人偷去十二年，重則瓜柴。

嚴重路痴加時常發呆的我，這三天無限loop上錯車/轉錯車/落錯站/唔記得落車/搭左對頭車...充分演繹出溫室小花獨自去旅行的悲哀及無奈，搭捷運還好，上返對頭車或轉轉車就可以（中途也可能發生上錯車/轉錯車/落錯站/唔記得落車/搭左另一條線），但巴士就慘啦，落車後未必是過對面馬路有回頭車，搵一輪行段路咁又成個鐘，所以今次真係好好的經驗（又，獨自旅行有網絡很重要，Google map萬歲！）

先說機票：買了香港航空時不時做特價的$590機票，連稅同扣埋首次入會減$50後，total $1,211，算平，但有無再平d既airline就唔知了，大家有無好介紹？香港航空free 2件寄艙行李，我揀的去程時間為12：05/ 回程是20：35，大部份日子去程揀最早時間（09：xx）會無優惠，真係要慢慢試。

FYI -

去程食豬肉包 - 個餡好怪

回程食黑椒豬扒飯 + 鳳梨酥 - 豬扒飯唔錯喎

飛機去程delay 1小時，可以接受啦，尤其是經歷完虎航突然cancel flight事件後（詳情看爛尾峇里之旅）；回程只delay 15mins!!! 
結論是我覺得香港航空搭得過既，將來再去台北都會揀佢。

住宿就揀Green World Hostel，話晒一個人，有張床就okay啦，而且我完全未試過Hostel!!! 一說Hostel腦海即浮現認識異國朋友，然後手牽手齊齊食咖啡弄(?)，夜間談著彼此對自己國家的想法..... oh well，此事絕對無發生我這條鵪鶉身上囉，況且起身時只見同房人sss的腳（在睡），回Hostel及睡覺時仍不見人影......

今次係Agoda book，一晚連稅為港幣$167，分開男房女房，我怕尷尬，驚半夜起身會見到著住海綿寶寶孖煙通既麻甩仔/佬，所以呢點好適合我喔。

出lift後會見到廚房同洗衣機乾衣機，詳細睇圖。

大廳有電視，有電腦吧檯，有豆豆梳化（無坐過，真係齋訓，好少行過去），有咖啡機飲水機，幾乾淨同光猛。

拍卡內進有幾間房，每間房面積都幾大，兩排黑色的雙層床，訓下格唔怕光到訓唔到，上格就慘d啦，但入住那幾晚都無人訓上格，應該是先派下格吧！

Locker夠大，床頭有燈，兩個插頭，插頭唔洗用adapter。洗手間多格，有落地玻璃夠開揚(廁所要落地玻璃??? 又，只是係洗手盆位置啦放心)，沖涼及吹頭設施方面也不錯。

Hostel位置於忠孝敦化，係忠孝敦化捷運站9號出口旁邊，首都銀行大樓7樓，無錯，佢係商業大樓入面，有時晏就返Hostel會同OL同lift :P。
眾所周知忠孝敦化捷運站係好大好多出口，而9號出口又連住東區地下街，又大又多野行好易去錯出口，我頭兩日成日出錯出口 (FYI – 我去3日)，除左地下街，附近有天仁茗茶、誠品、SOGO，行去4號出口附近更有好多特色餐廳，Cafe，方便去玩去食。
在此本人誠意推介Green World Hostel比鍾意行街鍾意食野既單人匹馬旅遊者。

這三天的交通工具都是捷運為主，捷運最方便嘛，記得save定路線圖係電話可以隨時睇，巴士只有去國立科學教育館同回程時搭，但…唉，來回加埋兩次都可以上錯3架巴士囉chisin =__________=|||~

好, 時機票住宿(廢) UP完, 開始行程啦~~~ (希望唔好爛尾XD)

Green World Hostel
忠孝東路四段107號7樓, 大安區, 台北, 台灣